ဒီတခါတော့သူငယ်ချင်းတွေ၊ဆွေမျိုးတွေဆုံဖြစ်တဲ့အခါ ပျော်ပျော်ပါးပါးလုပ်စားနိုင်တဲ့ ဝက်သားတုတ်ထိုးလုပ်နည်းလေးပြောပြပေးချင်ပါတယ်။ လုပ်ရတာလည်းလွယ်ကူသလို စားရတာလည်းပျော်စရာကောင်းတာမို့ ဝက်သားစားတဲ့သူတိုင်းကြိုက်နှစ်သက်တဲ့ အစားအစာလို့လည်းဆိုနိုင်ပါတယ်။ ကဲချက်ကြည့်ကြရအောင်နော်။
ဝက်<နှစ်သက်ရာအပိုင်းထည့်ပါ> ၁ကီလို
ကြက်၊ဘဲဥ ၅လုံး
ဆား ၂ဇွန်း
သကြား ၂ဇွန်း
ပုဇွန်ခြောက် အနည်းငယ်
နှမ်းဆီ ၁ဇွန်း
ဟင်းချက်အရက် အနည်းငယ်
ဂျင်း လက်တသစ်
ကြက်သွန်ဖြူ ၁ဥ
ပဲငံပြာရည် ၁ဇွန်း
နာနတ်ပွင့် ၁ပွင့်
ချက်နည်း
- ဝက်ကိုရေစင်အောင်ဆေးပြီးအိုးထဲကိုရေတဝက်ခန့်ထည့်ပြီးပွက်အောင်တည်ပါ။ဝက်ပြုပ်တဲ့အိုးထဲကို ဆား၁ဇွန်းနဲ့ဟင်းချက်အရက်ထည့်ပြီး ၁၅မိနစ်လောက်ထားပါ။
- ပြီးလျှင်ပြုပ်တဲ့အရေကိုသွန်ပြစ်ပါ။
- အိုးသန့်တလုံးထဲကိုနှမ်းဆီ၊သကြား၊နာနတ်ပွင့်၊ပုဇွန်ခြောက် ထည့်ပြီးမီးအေးအေးနဲ့ သကြားညိုရောင်သမ်းအောင်ဆီသက်ပါ။
- ဆီသက်တဲ့အိုးထဲကိုဝက်ထည့်ပြီးလုံးပါ။ပဲငံပြာရေပါထည့်ပြီးဝက်ကိုတဘက်ဆီလှန်ပါ။
- ပြုပ်မယ့်အိုးထဲကိုလုံးထားတဲ့ဝက်ထည့်၊ကြက်သွန်ဖြူဥကိုအလည်မှထက်ခြမ်းလှီးထည့်၊ဂျင်းထည့်၊ဆား၊သကြားအားလုံးထည့်အဖုန်းအုပ်ကာ မီးအေးအေးနဲ့တည်ပြစ်ထားပါ။
- နူးခါနီးရင်ဘဲဥပြုပ်ထည့်ပါ။အရေကိုကြိုက်တဲ့အနေအထားချနိုင်ပါတယ်။အပေါ့အငံကို လိုသလိုမြည်းပြီးရင်တော့ သင့်တော်သလိုလှီးပြီးရင်တော့တုတ်ထိုးပြီးစားနိုင်ပါပြီ။
အချဉ်လုပ်နည်း
< မကျည်းရေ၁ခွက်၊ကျက်သွန်ဖြူ၃မွှာ၊ငရုတ်သီး၅တောင့်၊ငရုတ်ဆီ၃ဇွန်း၊သကြား၁ဇွန်း၊ဆားဇွန်း၁ဝတ်၊ငံပြာရည်၁ဇွန်းကိုｂｌａｎｄｅｒနဲ့ထည့်ပြီးကြိတ်ပါ။နံနံပင်ရှိရင်ပါးပါးလှီးထည့်နိုင်ပါတယ်။ဒီအတိုင်းလည်းစားနိုင်သလို၊ကြာကြာအထားခံချင်ရင်မီးပူပူနဲ့ပွက်အောင်တည်ပြီးလည်းစားနိုင်ပါတယ်။>
<အသီးအရွက်ဓာတ်ပါပါချင်ရင်တော့ အားလူးပြုပ်၊ပဲပြားကြော်၊သခွားသီးအစိမ်း၊ရုံးပတေသီးအစိမ်းတို့ကိုလည်း အချဉ်နဲ့တို့စားရင် အအီပြေစေပါတယ်။ အားလုံးပဲအရသာရှိတာလေးတွေစားပြီး ဘဝအမောတွေပြေနိုင်ကြပါစေ လို့ဆုတောင်းပေးလိုက်ရပါတယ်ရှင်။>
<အသီးအရွက်ဓာတ်ပါပါချင်ရင်တော့ အားလူးပြုပ်၊ပဲပြားကြော်၊သခွားသီးအစိမ်း၊ရုံးပတေသီးအစိမ်းတို့ကိုလည်း အချဉ်နဲ့တို့စားရင် အအီပြေစေပါတယ်။ အားလုံးပဲအရသာရှိတာလေးတွေစားပြီး ဘဝအမောတွေပြေနိုင်ကြပါစေ လို့ဆုတောင်းပေးလိုက်ရပါတယ်ရှင်။>
