ချဉ်ပေါင်ဟင်းအကြောင်းရေးမယ်ကြံတော့ ကျမတို့ငယ်ငယ်ကသင်ခဲ့ဘူးတဲ့ ရေသည်ပြဇာတ်ကို သွားသတိရမိပါတယ်။ ဆရာကြီးဦးပုည ရဲ့ပြောင်မြောက်တဲ့ရေးဟန်တွေကြောင့် ချဉ်ပေါင်ဟင်းနဲ့ တလုပ်ကယ်ဝဝစားလိုက်ရရင်ဖြင့်" ဆိုတဲ့အပိုင်းဖတ်တိုင်း သရေမဆယ်နိုင်ပဲဂလုဆိုပြီး အမြဲမျိုချ ခဲ့ရဖူးပါတယ်။
ချဉ်ပေါင်အကြောင်းဋီကာဖွင့်ရမယ်ဆိုရင် "ရွှေချဉ်ပေါင်လက်ကြား ကြက်သားနဲ့မလဲနိုင် " ဆိုတဲ့အဆိုလဲ ကလည်းရှိထားတယ်မို့လား။ မြန်မာပြည်မှာရှိစဉ်ကတော့ ချဉ်ပေါင်ဟင်းကို ကြိုက်တယ်ဆိုပေမယ့် ဒီလောက်မမက်မောခဲ့ဘူး။ အဝေးရောက်မှပဲစားချင်လိုက်တဲ့ ချဉ်ပေါင်ဆိုတာ ပြောမပြောချင်ပါဘူး။ ဂျပန်ကစူပါမားကပ် တွေမှာ ချဉ်ပေါင်က ဝယ်လို့မရဘူးလေ။ မြန်မာတွေ ဖွင့်ထားတဲ့ဆိုင်တွေမှာတော့ ရံဖန်ရံခါရတတ်ပါတယ်။
မနေနိုင်တဲ့ကျမကတော့စိုက်ပျိုးရေးလဲဝါသနာ ပါတာမို့ ရာသီဥတုနွေးလာရင် စိုက်ပြီးစားလိုက်တာပါပဲ။ ကိုယ်တိုင်စိုက်တဲ့အရသာဆိုတော့ ၂မျိုးအရသာ ခံစားနိုင်တာပေါ့လေ။ ကဲပြောနေကြာပါတယ်။ ခူးထားတဲ့ချဉ်ပေါင်လေးမနွမ်းခင် အရသာရှိရှိ ချက်ကြည့်လိုက်ကြရအောင်နော်။
ချဉ်ပေါင်အကြောင်းဋီကာဖွင့်ရမယ်ဆိုရင် "ရွှေချဉ်ပေါင်လက်ကြား ကြက်သားနဲ့မလဲနိုင် " ဆိုတဲ့အဆိုလဲ ကလည်းရှိထားတယ်မို့လား။ မြန်မာပြည်မှာရှိစဉ်ကတော့ ချဉ်ပေါင်ဟင်းကို ကြိုက်တယ်ဆိုပေမယ့် ဒီလောက်မမက်မောခဲ့ဘူး။ အဝေးရောက်မှပဲစားချင်လိုက်တဲ့ ချဉ်ပေါင်ဆိုတာ ပြောမပြောချင်ပါဘူး။ ဂျပန်ကစူပါမားကပ် တွေမှာ ချဉ်ပေါင်က ဝယ်လို့မရဘူးလေ။ မြန်မာတွေ ဖွင့်ထားတဲ့ဆိုင်တွေမှာတော့ ရံဖန်ရံခါရတတ်ပါတယ်။
မနေနိုင်တဲ့ကျမကတော့စိုက်ပျိုးရေးလဲဝါသနာ ပါတာမို့ ရာသီဥတုနွေးလာရင် စိုက်ပြီးစားလိုက်တာပါပဲ။ ကိုယ်တိုင်စိုက်တဲ့အရသာဆိုတော့ ၂မျိုးအရသာ ခံစားနိုင်တာပေါ့လေ။ ကဲပြောနေကြာပါတယ်။ ခူးထားတဲ့ချဉ်ပေါင်လေးမနွမ်းခင် အရသာရှိရှိ ချက်ကြည့်လိုက်ကြရအောင်နော်။
အလွမ်းပြေ ချင်ပေါင်ဟင်းရည်
|
|
| |
 |
|
 |
|
 |
ပါဝင်ပစ္စည်းများ
| ချဉ်ပေါင် | ဇကာတလုံးခန့် |
| မျှစ် | ၅ကျပ်သား |
| ရုံးပတီ | ၅တောင့် |
| ငရုပ်သီးစိမ်း | ၅တောင့် |
| ပုဇွန်ခြောက် | အနည်းငယ် |
| ကြက်သွန်ဖြူ | ၂မွှာ |
| ငပိ | အနည်းငယ် |
| ဆား၊အချိုမှုန် | အနည်းငယ် |
| ငံပြာရည် | အနည်းငယ် |
| ဆီ | ဇွန်းကြီး၂ဇွန်း |
| နံနံပင် | အနည်းငယ် |
| နနွင်း | ဇွန်းသေး၁ဇွန်း |
ဟင်းချက်နည်း
- ချဉ်ပေါင်သင်ထားပါ။ ရုံးပတီသီးကိုစောင်းစောင်းလေးတွေလှီးပါ။ ကြက်သွန်ဖြူထောင်းထားပါ။
- ချက်မယ့်အိုးထဲကိုဆီထဲ့ပြီး ဆီပူလျှင် ကြက်သွန်ဖြူ၊နနွင်းထဲ့ပြီးဆီသတ် ။ ငပိနဲ့ပုဇွန်ခြောက် ထဲ့ပြီးမွေပါ။
- ပြီးလျှင် မျှစ်နဲ့ချဉ်ပေါင်ထဲ့လုံးပါ။ရေခမ်းပါကရေ ၃ဖန်ခွက်ထဲ့ပါ။
- ဆူပွက်ပြီး၁၅မိနစ်ခန့်ကြာလျှင်ရေအနေအထားကြည့်၊ဆား၊အချိုမှုန့်၊ငံပြာရည်ထဲ့ပြီးအပေါ့အငံမြည်းပါ။
- စိတ်ကြိုက်အနေအထားရပြီဆိုလျှင် ရုံးပတီသီးနဲ့ငရုပ်သီးစိမ်းထဲ့ပြီး၂မိနစ်လောက်တည်ပါ။
- မီးပိတ်၊နံနံပင်အုပ်ပြီးလျှင်တော့ အငွေ့တထောင်းထောင်းနဲ့စားချင်စဖွယ် ချဉ်ပေါင်ဟင်းတစ်ခွက် ရပြီပေါ့။
ချဉ်ပေါင်ကြော်စားကြမလား
ချဉ်ပေါင်းဟင်းပြီးတော့ တလက်စတည်းချဉ်ပေါင်ကြော်နည်းလေးပါ တင်ပြလိုက်ရပါတယ်။
 |
ပါဝင်တဲ့ပစ္စည်းတွေက
|
ချဉ်ပေါင်ကြော်နည်း
- ချဉ်ပေါင်ကိုရေဆေးပြီးဆားနဲ့နယ်ကာအချွဲပြောင်ရေဆေးထားပါ။
- ကြော်မယ့်အိုးထဲကိုဆီထည့်ပြီးပူလာပါက ထောင်းထားတဲ့ကြက်သွန်ဖြူ၊နနွင်း၊ငပိ ထည့်ပြီး ဆီသက်ပါ။
- အစိမ်းနံ့ပြောက်ပါက မျှစ်၊ငရုပ်ခွဲကြမ်းနဲ့ပုဇွန်ကို ရောထည့်ပြီး ရေခြောက်အောင်လုံးပါ
- ဆီပြန်ပါက ချဉ်ပေါင်ထည့်၊ ငံပြာရည်၊အချိုမှုန့်ကိုထည့်ပြီး ကြော်ပါ။
- ရေကုန်ပြီးချဉ်ပေါင်ကျက်ပြီဆိုပါက အပေါ့အငံမြည်းကာ ချခါနည်းမှာ ငရုပ်သီးစိမ်းအုပ်ပြီးပြီဆိုရင် မီးပိတ်လို့ရပါပြီ။
ခြောက်ခြောက်လေးကြော်ထားရင် ကြာရှည်ခံပါတယ်။ ကျမအိမ်မှာကြော်ရင်တော့ အမျိုးသားရဲ့ အကြိုက်ဆုံးဟင်း မို့လို့ နောက်ရက်စာကို သူမမြင်အောင်ဖွက်ထားမှပဲ ရပါတယ်။
No comments:
Post a Comment