Aug 8, 2012


                                             အမဲလျှာကင်တုန်းချက်

 ဒီဟင်းကိုတော့ကြားဖူးသူနည်းလိမ့်မယ်ထင်ပါတယ်။ ကျမတို့အမေနယ်ဘက်ကချက်စားလေ့ရှိတဲ့ဟင်းလေးပါ။ ကင်ပြီးချက်ထားတာမို့ မီးကင်းနံ့သင်းသင်းလေးနဲ့ တမျိုးခံတွင်းတွေ့စေမယ့် ဟင်းလေးတခွက်ပါပဲ။ စားနေကျတွေရိုးလို့ အသစ်အဆန်းလေးတွေစားချင်သူတွေ အတွက်ဟင်းချက်နည်းလေး ပြောပြပေးလိုက်ပါရစေနော်။

ပါဝင်တဲ့ပစ္စည်းများ

 အမဲလျှာ          ၁ချောင်း
 ကြက်သွန်နီ       ၁လုံး
 ကြက်သွန်ဖြူ      ၂မွှာ
 ခရမ်းချဉ်သီး       ၂လုံး
 ဆီ                ၃ဇွန်း
 ဆား            အနည်းငယ်
 အချိုမှုန်         အနည်းငယ်
 ငံပြာရည်         အနည်းငယ်
 အရောင်တင်မှုန်     အနည်းငယ်
 ငရုပ်သီးစိမ်း          ၅တောင့်
 ရှမ်းနံနံ                ၃ရွက်

 ဟင်းချက်နည်း

  1. အမဲလျှာကိုမီးသွေးမီး <သို့> ဂတ်စ်မီးဖြင့် ရဲလာအောင်ကင်ပြီးအရွယ်တော်တုန်းထားပါ။
  2. ကြက်သွန်ဖြူ၊နီ၊ခရမ်းချဉ်သီးကို နုပ်နုပ်လှီးပြီး၊ ချက်မယ့်အိုးထဲ ဆီထဲ့ကာ ပူလာပါက အားလုံးထဲ့ပြီး ကြေအောင်ဆီသက်ပါ။
  3. ရေကုန်ပါက အရောင်တင်မှုန်ထဲ့၊တုန်းထားတဲ့အမဲလျှာထဲ့ မွေပြီးလျှင် ရေအနည်းငယ်ချင်း ထဲ့ပြီးမီးအေးအေးနဲ့ အသားနူးတဲ့အထိတည်ပေးပါ။
  4. နူးအိလာပါက ဆား၊အချိုမှုန်၊ငံပြားရည် လိုသလိုထဲ့ကာ ငရုပ်သီးစိမ်း၊ရှမ်းနံနံ အုပ်ပြီး သုံးဆောင်နိုင်ပါပြီ။
မှတ်ချက်- လျှာနေရာမှာ အသားကိုကင်ပြီးလည်းချက်စားနိုင်ပါတယ်။အားလုံးပဲ ဟင်းချက်နည်းတမျိုး တိုးလို့ ခံတွင်းမိန်မိန် စားနိုင်ကြပါစေလို့ ဆန္ဒပြုလျှက်။     ။

No comments:

Post a Comment